Ghuí urlabhraí Gaeilge, Gaeltachta, Ealaíon agus Cultúir Shinn Féin, Aengus Ó Snodaigh TD, gach rath thar cheann an pháirtí ar Ghaeloideachas atá ag ceiliúradh 50 bliain an deireadh seachtaine seo.

Dúirt an Teachta Ó Snodaigh:

“Ar an gcéad dul síos, ba mhaith liom ár leithscéal a ghabháil nach féidir linn a bheith libh sa Slieve Russell inniu chun páirt a ghlacadh sa cheiliúradh, is mór an trua é go bhfuil Ardfheis Shinn Féin ar siúl an deireadh seachtaine céanna!

“É sin ráite, aithníonn Sinn Féin an éacht as cuimse atá bainte amach ag Gaeloideachas chun an oideachas lánGhaeilge a chur chun cinn agus iad leathchéad ar an bhfód, agus tréaslaíonn muid leo go mór as an obair.

“Tá Sinn Féin ag iarraidh cur go mór le hearnáil an Ghaeloideachais dá bhfaighfeadh muid deis Rialtas a threorú, tríd an éileamh don oideachas lánGhaeilge ní hamháin a shásamh ach a fhás.

“Leag muid amach moltaí ina leith sin san aighneacht foilsithe againn faoin nGaeloideachas, agus is féidir é sin a léamh ag an nasc seo: https://vote.sinnfein.ie/wp-content/uploads/2023/10/AOS-Aighneacht-ar-an-POLG-lo-res.pdf.

“Teastaíonn ó Shinn Féin go mbeidh muid ag obair as lámha a chéile le Gaeloideachas agus gach dream, scoil agus gníomhaí eile atá ag iarraidh an teanga náisiúnta a chur chun cinn san oideachas agus na spriocanna uailmhianacha seo a bhaint amach.

“Anois áfach, níl ach teachtaireacht láidir amháin againn le tabhairt: Go mairfidh Gaeloideachas an céad!”